Buenos Aires

So entlich bini wieder mol online und han de Ziit tum en Blog zschriebe. In California, gnau gsait Newport Beach, isch eifach immer was los gsi. Bi nie dezuecho. und vorallem sit de Winterziit umstellig sind die Taeg eifach viel zchurz gsi und ich han moeglichst viel ad Sunne woelle. Sobalds denn dunkel worde isch hemer znacht koched und sind id Bar fuer eis, zwei Bierli und es paar Billardgames. Es isch hammer gsi. Es chlises Staetli, wo jede enand kennt. Ha mich so richtig wohl gfuehlt.
Doch leider sind den au die rechtlich 4 Wuche vergange und ich han min rucksack wieder muesse packe. Aber voher hets natuerlich no e Abschiedsparty geh. Mit Roesti, Schwiizer Berge, Chaesschnittae, und Schwizer Chili.
Es sind viel neui Fruende cho aber au Couchsurfers. Einigi sind sogar vo LA obe abe cho. Was mich aber am meischte gfreut het, isch dass de Taylor, en Couchsurfer, vo vor 2 Johr mit mir in Jonschwil am Openair gsi isch, cho isch. Er isch naemli de Grund gsi,wiso ich ueberhaupt in Newport Beach glandet bin.

Noch dere Strenge Abschiedsparty isch denn au scho Thanksgiving gsi, de Tag vom Danke Saegae und Alkohol trinke. Das heisst i bin am Morge am achti, mit me chline Kater ufgstande und ha Smirnoeffli zum zmorge gha. Mir isch sofort besser gange. Doch de morge isch chli langsam gsi. Chille uf em Sitzplatz und chli suenele. Denn hemer ues uf de Weg gmacht zu uesem Thanksgiving- Gastgeber.
Es het en fritierte Truthahn geh mit oepe 6 Bilage. Eifach hammer gsi. Viel Alkohol isch gflosse und ich han mich richtig amuesiert zum dene bsoffen Wiber zuezluege. Han chli gfilmet und gfoetelet.
Am Fritig bini amne Hochzitapero gsi, vomne Paar vo in Vegas ghuerote het und noch de Flitterwuche glich nochli mit de Fruende het woelle fire.
Und denn isches leider scho Samschtig gsi und ich han mich muesse verabschiede :-) Isch scho recht trurig gside ganz Obig, aber min Host het uf FB es meeting gfunde, am Steand vo LA, nu es paar minute vom Flughafe.
Es sind alti Highschool fruende vo au vo Kansas uf California zueglet sind. Er hets scho ueber 20 Johr nueme gseh und so heter gad nomol en Grund gha zum mich an Flughafe ztue. Es isch recht gmuetlich gsi und fuer mich es gedieges Abschiedneh. Bier, Smirnoff, heissi Schoggi und Marshmellowsandwich.

Als Rauchchnebeli und mit Sand i de Schueh und de Hosestoes bini den go itschecke und ab uf "oh wie schoen isch Panama"
Doch fuer mich als Raucher isch Panama noed so schoen gsi. Noch 7Stunde Fug hani noed mol choenae eis rauche, will ich noed us em Flughafe han choene. Janu, bi den ca nomol 7 Stunde gfloge und den entlich in Buenos Aires acho. D Andrea, mini aller erschti Couchsurferi, het mich am Flughafe abgholt.
Es isch en riese Kulturshock gsi fuer mich. Vom ruhige NPB mitme 30Sekunde Weg and Strand, i di grossi, luti und staubigi Stadt. Zerscht hani mir gwuenscht ich choenti wieder zruckfluege. Aber dass hani den au noed woelle. Und so bini jetzt sit em Suntigobig do und gspant was so alles uf mich zuechunt.
Han also scho en 3.5 stuendige Stadtspaziergan hinder mir, aber han no lang noed alles gseh.

Sorry fuer mis komische Tuetsch aber bin jetzt au no am spanish lerne und es isch au scho halbi 3 i de Nacht!

Wirde denn wieder Brichte!
E ganz e schoeni Adventsziit an alli!

neue woche neuer host neuer blog

morge am halb nüni de himmel ohni wolke und d sunne schinnt agnehm war uf de kopf. hüt isch es ziit wieder mol an strand zgoh. wohne jetzt bimne brasilianer. er tuet fild übersetzte und hed e schwetti dvd dihai. geschter simer mit sim kolleg in es italienisches restaurant go esse. hihi alles brasilianer gsi im service und au i de chuchi.

aber egal. d pizza isch guet gsi, leider hend ebe die italienische krüter gfehlt.

es isch uf jede fall en gmüetliche obig gsi und mir hend denn dihai no en dvd glueged.

jo jetzt fangt s couchsurfing lebe ah. es isch luschtig do ichmuess nld mol en request schriebe ich cha mir mini host ussueche will die mir permanent agebot mached. isch jo scho interessant. em gabriell bi dem wo ich jetzt wohne hani en request per sms gschickt und 3 stunde spöter ischer er mich cho go abhole. eifach genial.

jetzt heter ebe gmeint mir gönd hüt an strand und ich freu mich soo. er isch zwor no am schlofe aber ich han jetzt entlich mol ziit zum en blog schriebe. ich denne eimol id de wuche söt doch lange!

uf jede fall lern ich jetzt spanisch und portugiesisch gad mit denand. also eigentlich muessis jo nöd lerne han jo au kei farsi verstande aber vo de mimik und gestik chamer hald scho viel ablese. das hani sicher vom papi vererbt. oder will ich mini psychologie abschlussarbeit über körpersproch gschriebe han?!?

egal. ich nimmes wie chunt. s letschti zimmermeitli wär zwor di perfekti lehreri gsi aber ebe die hani noch einere nacht wieder veloh,noch demm ich ihre e schoggi geh han fürs chleiderwäsche.

min usschlag vo de allergie het siche recht verbesseret, aber die luft do isch sooo droche, muess all stund mis gsicht igreme. au a de arme fangts a bisse wenns troche isch. weiss nöd ob das chli mit em smog zemehängt. bi jo zum glück guet usgrüschte und han alli gremeli debi.

d fondue woni mitgnoh han söt ich au glich mol opfere will das so viel platz brucht und ich scho sooo viel ikauft han und nüme alles in grosse rucksack ine bringe. es muess aber en spezielle host si, das weissi. und eis will ich unbeding uf buenos aires mitneh für d andrea.

doof und d paula vo brasilie het schoggibstellt die dörfi auch nöd alli verschenke. schlepp mich uf jede fall jetzt scho fascht ztod, debi hani sooo wenig mitgno.

so jetzt muessi glaubs nochli mis büchli trainiere noch dere schwere pizza wo ich gesse han geschter. sus chunt denn daqs würklich nöd guet usse mitmim body!

geschter bini mit em gerry uf malibu und hend imne restaurant gad am meer fisch und chips gesse. zum glück hemer üs e portion teilet erschtens vom fettghalt her und zweitens vom priis

ei portion 2 bloody marry eis coronna $65.- guet im pris inbegriffe sind natüelich au die schö ussicht und sunne und attacke vo de möve!

also eui wünschi en schöne obig und ihr ghöred glih wieder vo mir. sobald ich was spannends erlebt han!

byebye

Vo St. Gallä uf Züri und from Los Angeles to San Diego

Am Mittwoch 7.10. 09 hani mich mit em Michi am 6si uf de weg zum Flughafe gmacht und bi döt go itschegge. Nocher simer uf Züri und döt am HB as Oktoberfescht go Znacht esse und es paar Bierli go neh. (mis erschti Mass i mim Lebe) Nocher no witer uf eis zwei Caipis. Gsurft hani am Dom sin Couch und han fascht verpennt am 5fi. bi denn aber zum Glück mit em Taxi doch no pünktlich am Flughafe gsi. Nochemne stündige Flug bini denn in Düsseldorf acho, woni öppe füf Stund umeghanget bin.
De Flug uf Los Angeles hani mit döse, esse und Spanish lerne guet über d Rundi brocht.
De Gholam, min Nochpur vo San Gallä het mich denn am Flughafe abgholt und mir sind zu sinere Schwöster hai. Döt hani denn bis am Samschtig ünernachtet. Die erschte 2 Täg simer am Pool ghängt und hend es feins BBQ gha. Sus giz hald nu Iranisches esse, was aber au sehr guet isch. Viel rohi Zwieble und immer frischi Frücht. No junk food so far!!

Was chli schad isch, dassi hald nöd s viel englisch ghöre und nume farsi, das heisst chde chde tschöderi...
Am Samschtig het mich den de Alex abgholt und mir sind zäme anes Couchsurfing meeting. Es Oktoberfescht im Hamtington, oder so was. 15 Dollar Itritt und jedes Bier het 10 Dollar koscht. Echte Wucher!!! Defür het e dütschi Bänd gspielt und es isch mir echt chli vorcho wie in Münche. Aber hammer wie die Amis abgange sind.
Jo und will ebe das Bier sooo türr gsi isch hani en guete Grund gha sum chli umeflirte und mir es Bier zahle loh.
Irgenwen so am eis bini denn doch recht müed gsi und mir sind denn hai. Statt en Kebab hets natürlich en Brurrito geh. mmhhh isch das lecker gsi.

S' erschti mol bim Alex gsurft, er isch jo scho mehreri Nächt bi mir gsi, simer denn am nöchte morge wieder richtig Westwood. Uf em Weg döt hane hemr no en Spaziergang am Venice Beach gmacht, wo sehr unterhaltsam gsi isch, mit all denne komische Gstalte. Es isch zerscht mega heiss gsi und nocher hez immer meh agfange winde. Nocher simer no an Santa Monica Beach, wo denn aber no chüehler gsi isch und ich nur no hai han wölle go penne.

Ui jo und am Mentig morge woni ufgstande bin, hani mega gschwollni Auge und s ganzi Gsicht volle Püggeli gha. Ha zerscht gmeint es sigi e Sunneallergie, aber das hani jo no nie gha und wo sich denn de Usschlag uf em ganze Körper agfange het verteile hani gmerkt, dasses was anders muess si.
So blödi Impftablette wo mir de Arzt in San Gallä geh het, weg em Esse in Südamerika. Mannnn wenni das gwüsst het dassi nocher usgseh wie nocher Botoxbehadlig heti de Seich nöd gnoh.
Janu jetzt laufi hald no es paar Täg mit me gliftete Face umenand. Und weiss wenigschtens wie sich das afühle würd!

Am Nomitag sind de Gholam und ich richtig San Diego gfahre, will er do will en alte Kumpel bsueche. Jetzt simer do und realaxed im Garte oder gönd go shoppe!

Morn mached mir üs uf de Weg noch Palm Spring womer es paar Täg imne Spa Hotel verbringed und eifach nu d Sunne gnüssed und d Mineral Bäder. Viellicht isch das jo denn gad guet für mini uströchneti Huut.

Ich bin Tante Steffi

Sit em 19.09.09 bin ich Tante und überglücklich über de chli Jannik!! Bin soo froh isch er uf d Welt cho bevor ich abflüge. Han ihn am Sunntig s erschti mol dörfe uf de Arm neh und wickle. Ha sooo freud gha und freu mich nohmeh, wennen denn kurz bevor ich goh nomol chan gseh!!!

only four weeks in switzerland

Sorry I was too busy the last few weeks and had no time to tell you what happend here. I moved my bed to the attic, where I' m living now. the three rooms are now rented by Mike, Lad and Patrizia. I enjoy the time with my new room mates because there is always someone around. We cook for eachother and have a beer together.

I got three injections last month and still need the last one this month. I hate it but yesterday Ian visited me and pierced my tongue again. A nice souvenir from switzerland.

And I bought the ticket to Buenos Aires for the 29th of November. I'm sooo happy to meet Andrea again, my first couchsurfer guest. I will stay there for minimum 4 weeks and hopefully I will learn some spanish. I also will spent christmas there, wonder how it feels like in summer!
Ohh I cant wait for better weather and I'm also happy to have a second summer and no winter this year. I was working the whole summer long and now its freezing and autum has already arrived.

Still need to pack my stuff and to think about not taking too many clothes with me.
My mom already bought me my bithday gift. Its a small travel laptop to keep in touch with her. I got skype and msn so feel free to call me.

I will have only three weekends left here in St. Gallen and I will enjoy every second!! yeah and this month my sister will have the baby and I hopefully can see it before the flight on october 8th.

Flight is booked

yeeeeeees I did it today!!! One way to LA!!! So I got still time to make plans for the rest of my trip!
I'm so happy and I have exactly 51 day to work! Awesome!

Flohmarkt

man ich han soo viel grümpel und ich chume nöd vom fleck mit usmischte!! muess die sache unbedingt loswerde. jetzt machi am 5. Sept en floharkt dihai und vertigge alli mini Sache wo irgend öpert no chan bruche! han jo schliesslich nu en 60 l rucksack und cha bi goscht nöd alles mitschleppe. ussert ebe das geld vo debi ussechunt! also chömed verbi ich freu mich!!!